Մինչ հոդվածը խմբագրություն ուղարկելը, խնդրում ենք մանրամասն զննել հանդեսի ամենավերջին համարը և տեքստը կազմել համապատասխանաբար, քանի որ դրանից է կախված հոդվածի նախնական ընտրության հանգամանքը: Բացի վերոհիշյալ չափանիշներից, խնդրում ենք հնարավորինս հաշվի առնել հետևյալը.
- Աղբյուրների հղումը՝ անուն + տառ + թիվ (Խորենացի Բ. 15):
- Ձեռագրերը հղել համարով (Մաշտոցի Մատենադարան, թ. 2751):
- Դարերը տալ` հայերենում լատինական (XI), անգլերենում` արաբական (11th) թվերով:
- Տեքստի մեջ օգտագործված հատուկ անունները բոլոր տեղերում պետք է գրվեն միանման։
- Տեքստի մեջ ընդգծումները՝ շղա, իսկ ենթավերնագրերը՝ թավ:
- Տարեթվի համար օգտագործել կարճ թ. և ոչ թվական, իսկ թ.-ն գրել առանձին (1980 թ.):
- Չակերտներն օգտագործել այս ձևով՝ «…» (հայերեն), “...” (անգլերեն)։
- Փակագծերը պետք է լինեն կլոր՝ () և ոչ գծային` // կամ []։
- Գծիկը բոլորը տեղերում օգտագործել մեծ տարբերակով (–, և ոչ -):
- Հղումները – Ֆրանսերենում և ռուսերենում՝ բացի հատուկ անուններից, բոլոր բառերը գրել փոքրատառ (Fiey J. 1970, Jalons pour une histoire de l’Eglise en Iraq, Louvain; Шумов С. 2002, Ирак: история, народ, культура, Москва), անգլերենում՝ բացի նախդիրներից և հոդերից բոլոր բառերը՝ մեծատառ (Smith J.P. 1903, A Compendious Syriac Dictionary, Oxford), գերմաներենում՝ բոլոր գոյականները՝ մեծատառ (Baumstark A. 1922, Geschichte der syrischen Literatur mit Ausschluß der christlich-palästinensischen Texte, Bonn):
- Հղման մեջ գրել անվանատառ(եր)ը՝ կցված. Պողոսյան Վ.Հ.) և ոչ ամբողջական անունը (Վահան Պողոսյան):
- Գրքային միավորները հապավել այսպես՝ հ. (հատոր), պր. (պրակ), գք. (գիրք):
- Տեքստում նկար/աղյուսակ հղելիս` օգտագործել դրանց հապավումները մեծատառով (Նկ. 30/2, Աղ. III/1):
- Տառադարձման համար կարող եք օգտագործել հետևյալ կայքերը (https://translit.ru, կամ https://translit.net/) և համապատասխանեցնել Հյուբշման-Մեյեի (Hübschmann-Meillet), ստեղծած տառադարձական նշված համակարգին։
| հայերեն | ՄՀԱ | հայերեն | ՄՀԱ |
| Ա ա | A a | Յ յ | Y y |
| Բ բ | B b | Ն ն | N n |
| Գ գ | G g | Շ շ | Š š |
| Դ դ | D d | Ո ո | O o |
| Ե ե | E e | Չ չ | Č‘ č‘ |
| Զ զ | Z z | Պ պ | P p |
| Է է | Ē ē / Ê ê | Ջ ջ | J̌ ǰ |
| Ը ը | Əə | Ռ ռ | Ṙ ṙ |
| Թ թ | T‘ t‘ | Ս ս | S s |
| Ժ ժ | Ž ž | Վ վ | V v |
| Ի ի | I i | Տ տ | T t |
| Լ լ | L l | Ր ր | R r |
| Խ խ | X x | Ց ց | C‘ c‘ |
| Ծ ծ | C c | Ւ ւ | W w |
| Կ կ | K k | Փ փ | P‘ p‘ |
| Հ հ | H h | Ք ք | K‘ k‘ |
| Ձ ձ | J j | Օ օ | Ō ō |
| Ղ ղ | Ł ł ( Ġ ġ) | Ֆ ֆ | F f |
| Ճ ճ | Č č | ու | U u |
| Մ մ | M m |
|
ՄՀԱ – միջազգային հնչյունային այբուբեն (Հյուբշման-Մեյեի ստեղծած տառադարձական նշանների համակարգը հայերենի համար (Antoine Meillet and Heinrich Hübschmann, Altarmenisches Elementarbuch, Heidelberg, 1913), որ որոշ փոփոխությունների է ենթարկվել Էմիլ Բենվենիստի կողմից և հայտնի է, որպես Hübschmann-Meillet-Benveniste-ի տառադարձական համակարգ։